París Hilton deilir rúmi með apa

París Hilton er hætt að sofa hjá mönnum en deilir nú rúminu sínu með apa. Í fyrra strengdi hún skírlífisheit og hefur nú greint frá því að hún hafi gæluapann sinn í rúminu hjá sér á nóttunni til að þurfa ekki að sofa þar ein. „Ég sef ekki hjá nema ég sé í föstu sambandi. Ég er gamaldags hvað þetta varðar. Í alvöru!“

Þetta kemur fram í viðtali við París í ástralska Cosmopolitan. „Já, ég hef kysst marga stráka. Mér finnst gaman að kyssa, en það er líka allt og sumt. Ég fer ekki heim með neinum. Ég sef með dýrunum mínum, til dæmis apanum mínum, Brigitte Bardot,“ segir París.

Hún er 25 ára og á fjölmörg gæludýr, og er þar kannski frægast hundurinn Bláklukka.

París segir í viðtalinu að ef hún ætti að lýsa sjálfri sér í einkamálaauglýsingu myndi hún segjast vera feimin og hafa góða matarlyst. „Ég er ljóshærð og sólbrún og meðalhá. Ég er ljúf, feimin, skemmtileg og með stórt hjarta - og mér finnst gaman að borða.“

• 3 blogg um fréttina

Bloggað um fréttina

• Hildur Sif Kristborgardóttir: Paris og apar.
• Óttarr Makuch: Nú sef ég rólegur
• Magnús Helgi Björgvinsson: Hlýtur að vera hughreystandi fyrir París að sofa hjá náskyldum