Neitaði Alagna að borga?

Óperusöngvarinn Ólafur Kjartan Sigurðarson telur að tenórinn Roberto Alagna, sem baulað var á í Scala-óperunni 10. desember sl., hafi mátt sæta slíkri meðferð vegna þess að hann hafi neitað að greiða svokölluðum klöppurum óperuhússins fyrir lófatakið. Að sögn Ólafs er það "opinbert leyndarmál" að slíkar fjárkúganir eigi sér stað þegar söngvarar reyna fyrir sér í áberandi hlutverkum á vegum hins fornfræga óperuhúss. Upphæðin sem um ræðir sé þó óveruleg.