Magni án atvinnuleyfis

Magni Ásgeirsson kemst ekki til Bandaríkjanna í tæka tíð til þess að hita upp fyrir rokksveitina Supernova á fyrstu tónleikum sveitarinnar í tónleikaferðalagi sem hefst í Flórída á þriðjudaginn. Ástæðan er sú að Magni hefur ekki enn fengið atvinnuleyfi vegna mistaka fulltrúa hans í Bandaríkjunum. Síðastliðinn miðvikudag birtist í Morgunblaðinu viðtal við Hilmar Jensson gítarleikara sem var meinuð innganga í Bandaríkin af sömu sökum. Magni segist hafa lesið viðtalið og ákveðið að kanna sína stöðu í kjölfarið. Ekki er víst að svo stöddu hvenær hann kemst til Bandaríkjanna.

Nánar er fjallað um þetta í Morgunblaðinu í dag.