Viktoría Beckham komin til Los Angeles

Mikill fjöldi ljósmyndara og myndatökumanna tók á móti Viktoríu Beckham er hún kom til Los Angeles undir miðnætti í gær að íslenskum tíma. Lífverðir fylgdu Viktoríu í gegnum fréttamannaþröngina og hún svaraði engum spurningum.

Talsmaður eiginmanns hennar, Davids, tjáði Associated Press að Viktoría væri komin til Kaliforníu til að skoða hús fyrir fjölskylduna og skóla fyrir börnin. Ætli Viktoría að dvelja í Los Angeles í nokkra daga.

Talsmaðurinn vildi ekki greina frá því í hvaða hverfum hún ætlaði að skoða hús, en fyrri fregnir hafa hermt að Beverly-hæðir og Hollywood-hæðir komi helst til greina.

• 2 blogg um fréttina

Bloggað um fréttina

• Snorri Bergz: Eins og flís við rass!
• TómasHa: Greitt of mikið