Mary krónprinsessa valin glæsilegasta kona heims
Setja bókamerki
Lesendur breska tímaritsins Hello hafa valið Mary, krónprinsessu Dana, glæsilegustu konu heims. Að sögn Ekstra Bladet fékk Mary 64.500 atkvæði í kjöri meðal lesenda blaðsins en bandaríska söngkonan Britney Spears, sem varð í öðru sæti, fékk 61 þúsund atkvæði.
Blaðið hefur eftir Jim Lyngvild, tískuritstjóra, að þetta komi sér ekkert á óvart enda sé Mary fyrirmynd kvenna um allan heim.
Í næstu sætum voru Cate Blanchett, Natalie Imbruglia, Rania Jórdaníudrottning, Catherine Zeta-Jones, Kate Winslet, Keira Knightley, Letizia krónprinsessa Spánar, Maxima Hollandsprinsessa, Magðalena Svíaprinsessa og Annette Bening.
Danir geta verið ánægðir með smekk lesenda Hello því danskættaði leikarinn Viggo Mortensen varð í þriðja sæti í kosningu um mest aðlaðandi karlmanninn. Breski leikarinn Sean Bean varð í 1. sæti og breski popparinn Robbie Williams varð annar.
Í næstu sætum voru Hugh Laurie, Jon Bon Jovi, Orlando Bloom, Jake Gyllenhaal, Johnny Depp, Colin Firth, Kiefer Sutherland, Clive Owen og Hugh Jackman, allt leikarar.
Í kosningu um mest aðlaðandi konuna fór bandaríska leikkonan Angelina Jolie með öruggan sigur af hólmi.
Í næstu sætum þar voru Jennier Morrison, Jennifer Aniston, Christina Aguilera, Nicole Richie, Rania Jórdaníudrottning, Emma Bunton, Nicole Kidman, Cate Blanchett og Salma Hayek.
„Mikilvægt að hvíla viðbragðið“
Óveður heldur Holtavörðuheiði lokaðri
Íslendingar vanir að klæða sig vel
Ofmeta sparnað í stjórnarráðinu
Neitaði sök um morð og hryðjuverk
Clinton fluttur á sjúkrahús
Í vinnunni á aðfangadagskvöldi í 25 ár
Strandveiðar „efnahagsleg sóun“