Elsti maður heims látinn 115 ára að aldri

Elsti maðurinn í veröldinni er látinn. Emiliano Mercado Del Toro lést á heimili sínu í dag á norðausturströnd Púertó Ríkó að sögn ættingja hans. Hann var 115 ára gamall.

Mercado del Toro lést af náttúrulegum orsökum í bænum Isabela, sem er í um 115 km fjarlægð vestur að San Juan. „Hann dó eins og engill,“ sagði frænka hans í samtali við AP-fréttastofuna.

Mercado del Toro átti í erfiðleikum með andardrátt undir það síðasta en hann var með fullri meðvitund og ern fram til dauðadags.

Mercado del Toro, sem fæddist í Púertó Ríkó þegar landið var enn spænsk nýlenda, var kvaddur í Bandaríkjaher árið 1918 en tók ekki þátt í hernaði þar sem fyrri heimsstyrjöldinni lauk á meðan hann var enn í æfingarbúðum. Síðar fór hann að vinna á sykurreyrökrum.

Hann kvæntist aldrei og eignaðist engin börn.

Í sjávarþorpinu Isabela var hann þekktur maður eftir að hann varð viðurkenndur af Heimsmetabók Guinness sem elsti maður heims. Hann verður borinn til grafar nk. föstudag í bænum Cabo Rojo þar sem hann fæddist.

• 1 blogg um fréttina

Bloggað um fréttina

• Árni Gunnar Ásgeirsson: Hversu oft?