Lífseigri önd bjargað úr nýrri hættu

Öndin Perky vakti heimsathygli er henni var bjargað helsærðri úr ísskáp veiðimanns af eiginkonu hans. Nú hefur Perky aftur komist í fréttirnar eftir að lífga þurfti hana við með hjartahnoði og munn-við-gogg-aðferðinni þegar hjarta hennar stoppaði á skurðarborðinu.

Dýralæknirinn David Hale framkvæmdi skurðaðgerð á öndinni til að laga sundurskotinn væng hennar er hún hætti skyndilega að anda.

Eftir spennuþrungin augnablik tókst honum að hnoða lífi í öndina á ný.

Perky er nú með spelku eða pinna í vængnum og þarf að öllum líkindum ekki að ganga í gegnum fleiri skurðaðgerðir þar sem hún virðist ekki þola svæfinguna. Hún er á batavegi.

Perky er ekki nema um hálft kílógramm að þyngd og er kvenkyns.

• 3 blogg um fréttina

Bloggað um fréttina

• Pétur Henry Petersen: Afstæði eðlisins
• Ellert V. Harðarson: Nýr Keikó
• Svava frá Strandbergi : Tvískinningur