Lindsay Lohan hættir við næstu mynd

Lindsay Lohan er hætt við að leika í kvikmyndinni A Woman of no Importance, með Annette Bening, og ætlar í staðinn að einbeita sér að því að ná heilsu.

Fjölmiðlafulltrúi Linds sagði við tímaritið People að þetta væri skynsamleg ákvörðun hjá henni.

„Hún gerir þetta til að geta einbeitt sér að því að ná heilsu. Hafi henni lærst eitthvað þá er það það að hún verði að hugsa fyrst og fremst um sjálfa sig - og það sem hún þarf að gera núna er að einbeita sér.“

Lindsay er um þessar mundir að leika í myndinni I Know Who Killed Me, en tökum á henni hefur tvívegis verið frestað - fyrst vegna þess að Lindsay þurfti að fara á sjúkrahús til að láta taka úr sér botnlangann, og síðan aftur þegar hún fór í áfengismeðferð.

• 1 blogg um fréttina

Bloggað um fréttina

• Brosveitan - Pétur Reynisson: Fínn titill á mynd eða þannig...