Tvíeykið Wham að undirbúa hljómplötu

Tvíeykið Wham, George Michael og Andrew Ridgeley, eru alvarlega að íhuga samstarf. Ætla félagarnir að taka upp nýja hljómplötu í Bandaríkjunum og eru að velta fyrir sér að fara í hljómleikaferð í kjölfarið.

Wham var ein vinsælasta hljómsveitin á níunda áratugnum en meðal vinsælla laga þeirra eru: „Club Tropicana" og „I'm Your Man". Wham lagði niður laupanna árið 1986 og hefur meira borið á George Michael á tónlistarsviðinu eftir það heldur en Andrew Ridgeley.

George Michael bað Andrew Ridgeley að koma fram með sér á tónleikum á Wembley leikvanginum í Lundúnum í desember í fyrra en Ridgeley gugnaði á síðustu stundu þar sem hann treysti sér ekki til þess.

• 2 blogg um fréttina

Bloggað um fréttina

• Fararstjórinn: Höldum okkur við ímyndina um svala töffara
• Snorri Bergz: Wake me up before you go, go