Ljósmynd ársins tekin í Beirút
Setja bókamerki
Ljósmynd af ungum Líbönum í bíltúr um sundurtætt hverfi í Beirút eftir loftárás Ísraela fékk verðlaun World Press Photo í ár fyrir bestu ljósmynd ársins í fyrra. Myndina tók Spencer Platt. Miklar andstæður eru í myndinni, ungt fólk á glansandi blæjubíl með rústir í bakgrunni. Ung kona í bílnum grettir sig og sendir sms-skilaboð en önnur heldur fyrir nefið.
Platt tók myndina fyrir Getty ljósmyndavefinn þann 15. ágúst í fyrra. Myndin hlaut einnig aðalverðlaunin í flokknum „Daglegt líf“. Akintunde Akinleye hlaut verðlaun í flokki fréttamynda fyrir mynd af manni að hreinsa sót úr andliti sér í Lagos eftir að gríðarleg sprenging varð þar í olíuleiðslu 26. desember.
Af öðrum verðlaunum má nefna að ljósmyndin af fótboltakappanum franska Zinedine Zidane að skalla Ítalann Marco Materazzi í bringuna var valin íþróttaljósmynd ársins.
4.460 atvinnuljósmyndarar frá 124 löndum sendu inn myndir í samkeppnina, 78.083 myndir, og hlutu 23 verðlaun í 10 flokkum. Platt fær 10.000 evrur í verðlaun.
Pútín reynir allt til að forðast aðra herkvaðningu
Varnargarðar hækkaðir um 3 til 4 metra
„Höfum sloppið bærilega með skaða af þessu gosi“
„Sá vegur er bæði háll og myrkur“
Ekki vandamál að vera karlmaður
Dregið úr gosóróa
50 milljónir eiga að minnka svindl um 1 milljarð