Járnfrúin ætlar að rokka á Indlandi í fyrsta sinn

Bresku þungarokkararnir í Iron Maiden hyggjast halda tónleika í hallargarði í Bangalore, en þetta yrðu fyrstu tónleikar sveitarinnar á Indlandi. Tónleikarnir eiga að fara fram þann 17. mars nk. og að sögn hljómplötuútgefandans EMI verður þetta í fyrsta sinn sem fræg þungarokkshljómsveit heldur tónleika í landinu.

Hljómsveitin var stofnuð árið 1975 og nýjasta plata hennar náði öðru sæti indverska hljómplötulistans.

Iron Maiden hefur staðfest að hljómsveitin muni halda 12 tónleika í mars og júní, þeir munu m.a. spila á Eyðimerkurrokkhátíðinni í Dubai í Sameinuðu arabísku furstadæmunum þann 9. mars.

Þá munu þeir félaga spila á Download hátíðinni í Donington Park á Englandi og á Fields of Rock hátíðinni í Zwolle í Hollandi, en báðir þessir tónleikar verða haldnir í júní.

„Það er okkur afar kært að geta spila fyrir nýja aðdáendur í löndum sem við höfum aldrei komið til áður,“ sagði söngvari Iron Maiden Bruce Dickinson.

„Við höfum heyrt að indversku aðdáendurnir séu afar háværir og fíli þungarokkið í botn.“

• 2 blogg um fréttina

Bloggað um fréttina

• Gúrúinn: Járnfrúin skekur
• Hlynur Þór Magnússon: Ýmsir farnir að rokka á Indlandi