Pete Doherty sviptur ökuleyfi

Tónlistarmaðurinn Pete Doherty hefur enn eina ferðina verið dæmdur fyrir breskum dómstólum, en það sem helst þykir merkilegt við það er að alræmd fíkniefnaneysla hans kom þar hvergi nærri. Doherty hefur misst ökuleyfið í tvo mánuði fyrir að hafa ekið án ökuskírteinis og ótryggður.

Doherty var stöðvaður vegna ógætilegs ökulags í nóvember á síðasta ári og hafði þá ekki ökuskírteini sitt meðferðis, síðar kom svo í ljós að bifreið hans var ótryggð. Missir Doherty því ökuleyfið í tvo mánuði og þarf auk þess að greiða 300 punda sekt. Þá varaði dómarinn við því að hann gæti átt á hættu að enda í fangelsi ef hann endurtæki athæfið.

Sean Curran, lögmaður Doherty segir skjólstæðing sinn hins vegar ekki eiga sök á því að bifreiðin var ótryggð þar sem Doherty hafi beðið umboðsmenn sína um að sjá um að tryggja bifreiðina, en að það hafi hins vegar ekki verið gert.

• 1 blogg um fréttina

Bloggað um fréttina

• Gúrúinn: Var hann með ökuleyfi?