Bandarískt slúðurtímarit dæmt til að greiða Cameron Diaz skaðabætur

Bandarískt slúðurtímarit hefur verið dæmt til að greiða leikkonunni Cameron Diaz „umtalsverðar“ skaðabætur vegna ærumeiðinga, en tímaritið hélt því fram að hún ætti í framhjáhaldi með giftum manni.

Diaz, sem er 34 ára gömul, höfðaði mál gegn útgáfufyrirtækinu American Media Incorporated vegna ljósmynda og fréttar sem birtist á vefsíðu slúðurtímaritsins National Enquirer í maí 2005.

Þar var haldið fram að umræddar myndir hafi sýnt fram á að Diaz hafi verið að halda framhjá þáverandi kærasta sínum, popparanum Justin Timberlake, með sjónvarpsframleiðanda.

National Enquirer hefur beðið Diaz afsökunar á þessari frétt og jafnframt viðurkennt að hún hafi verið uppspuni.

• 2 blogg um fréttina

Bloggað um fréttina

• Brosveitan - Pétur Reynisson: Hér eru myndirnar sem hún vildi ekki að við sæjum
• Kjartan Vídó: Ég ætla að kæra DV!!