Talandi salerni minna menn á að aka ekki ölvaðir

Samgönguyfirvöld í Nýju-Mexíkó í Bandaríkjunum beita nú nýrri tækni til að fá fólk til að keyra ekki undir áhrifum áfengis, nefnilega talandi salernum. 500 talandi ilmstautum hefur verið komið fyrir á salernum knæpa og veitingastaða víða um ríkið.

Ilmstautar þessir hrópa á þann sem stendur við hlandskálina: „Halló, þú þarna stóri, ertu að fá þér í tánna? Hlustaðu þá!“ og bætir síðan við: „Heldurðu að þú hafi fengið þér einum of mikið? Þá er tími til kominn að hringja á leigubíl eða allsgáðan vin sem getur skutlað þér heim.“

Ölvunarakstur ku vera mikið vandamál í Nýju-Mexíkó. Reuters segir frá þessu.

• 3 blogg um fréttina

Bloggað um fréttina

• Sigurður Elvar Þórólfsson: Harley, leður og Jabbar á trýninu
• Svava frá Strandbergi : Deleríum Tremens?
• Anna Gísladóttir: Ekki svo galin hugmynd .......