Úrslitin ráðast í kvöld

Í KVÖLD kemur í ljós hvaða flytjandi kemur til með að syngja fyrir Íslands hönd á sviði í Helsinki í vor í Söngvakeppni evrópskra sjónvarpsstöðva.

Níu lög keppast um hylli áhorfenda, en það eru þeir sem kjósa sigurvegarann með hjálp símtækja.

Alls bárust 188 lög í keppnina í nóvember. Valnefnd valdi svo lögin 24 sem kepptu sín á milli á þremur undarúrslitakvöldum en áhorfendur sáu um að velja níu bestu lögin sem keppa í kvöld.

Söngvakeppnin fer fram í Verinu á Seljavegi 2 en verður jafnframt sjónvarpað í beinni útsendingu í Sjónvarpinu. Útsending hefst klukkan 20.20.