Húsfyllir á tónleikunum Lifi Álafoss

Lifi Álafoss er yfirskrift tónleika sem nokkrar hljómsveitir héldu til styrktar Varmársamtökunum í Verinu í Héðinshúsi við Seljaveg í kvöld. Hljómsveitirnar sem komu á eiga það allar sameiginlegt að hafa tekið upp plötur í Álafosskvos.

Sigur Rós var meðal sveita sem spiluðu á tónleikunum en upptökuver hljómsveitarinnar, Sundlaugin, er í Álafosskvos, og hefur fjöldi tónlistarmanna hljóðritað þar.

Auk þess spilaði strengjakvartettinn Amiina, Pétur Ben, Bogomil Font og Flís og Benni Hemm Hemm. Steindór Andersen og Sigurður Dýralæknir fluttu rímur sem sérstaklega voru samdar að þessu tilefni.

Tónleikarnir voru lágstemmdir enda nær allur hljóðfæraleikur órafmagnaður. Milli atriða kynntu svo atriði aðilar sem tengjast kvosinni á einn eða annan hátt. Sagðist tónlistarmaðurinn Pétur Ben vona að tónleikarnir væru ekki jarðarför heldur upphafið á einhverju nýju.

• 3 blogg um fréttina

Bloggað um fréttina

• Guðfinnur Sveinsson: Frrrrrrrrrrrrrrrábærir tónleikar!
• Birgitta Jónsdóttir: Rosalega langaði mig á þessa tónleika
• Snorri Bergz: Álafoss