Veruleikaþættir um Beckhamhjónin í Hollywood

Sjón­varpsþáttaröð verður gerð um bú­ferla­flutn­inga Vikt­oríu og Davíðs Beckham frá Evr­ópu til Am­er­íku. Fram­leiðand­inn er Simon Fuller, maður­inn á bak við American Idol.

Vanity Fair grein­ir frá þessu í dag.

Sjón­varps­stöðin NBC hef­ur gert samn­ing um sex hálfr­ar klukku­stund­ar­langa þætti, sem ekki verða gerðir sam­kvæmt hand­riti, þar sem sýna á og segja frá öllu sem því fylg­ir þegar stjörn­ur flytja „stuðningsnet“ sitt, þ.á m. fjöl­miðlafull­trú­ann, stíl­ist­ann og einkaþjón­inn, milli heims­álfa, og kaupa sér nýtt hús og bíl, svo fátt eitt sé nefnt.

Þætt­irn­ir verða hugs­an­lega sýnd­ir í sum­ar, að því er blaðið seg­ir.

Fuller var fram­kvæmda­stjóri Kryddpí­anna á sín­um tíma, og seg­ist lengi hafa haft áhuga á að búa til sjón­varpsþætti sem byggðir væru á lífi Vikt­oríu. Sjálf hef­ur hún sagst ánægð með samn­ing­inn og að hún hlakki til að starfa á ný með Fuller.

• 5 blogg um frétt­ina

Bloggað um frétt­ina

• Bene­dikt D. Valdez Stef­áns­son: Veru­leikaþætt­ir um Beckham­hjón­in í Hollywood
• Rún­ar Hauk­ur Ingimars­son: Ég/​Mig/​Mér hlakk­ar til
• Snorri Bergz: "McDon­alds mentality"
• Tóm­asHa: Ekki mjög spenn­andi
• Brosveit­an - Pét­ur Reyn­is­son: Nei nei nei og aft­ur nei. Hjálp!