Hayek trúlofuð og á von á barni

Leikkonan Salma Hayek er trúlofuð og á von á fyrsta barni sínu með kaupsýslumanninum Francois-Henri Pinault. Þetta kemur fram í tilkynningu frá umboðsmanni Hayeks en aðrar upplýsingar eru ekki gefnar, þar á meðal um hvenær von sé á barninu.

Hayek, sem er fertug að aldri, er frá Mexíkó og hóf feril sinni í mexíkóskum sápuóperum. Hún flutti til Hollywood árið 1991 og vakti fyrst alþjóðlega athygli í myndinni Desperado þar sem hún lék á móti Antonio Banderas. Hún var tilnefnd til Óskarsverðlauna fyrir myndina Frida árið 2002.

Hayek framleiðir nú sjónvarpsþættina Ljótu Betty, sem hafa fengið mikið lof, og leikur einnig ritstjórann Sofiu Reyes í þáttunum.

Pinault, unnusti Hayeks, er forstjóri fyrirtækisins PPR, sem framleiðir m.a. fatnað undir merkjum Gucci, Yves Saint Laurent, Stellu McCartney og Balenciaga.

• 1 blogg um fréttina

Bloggað um fréttina

• Eiríkur Bergmann Einarsson: Hayek