Kvikmynd um Persastríðin fékk mesta aðsókn vestanhafs
Setja bókamerki
Kvikmyndin 300, sem gerð er eftir teiknimyndasögu Franks Millers um 300 Spartverja sem vörðust hermönnum Persa í orrustunni við Laugaskörð, fékk langmesta aðsókn í norður-amerískum kvikmyndahúsum um helgina. Aðalhlutverkið í myndinni, Leónídas konung, leikur skoski leikarinn Gerard Butler, sem lék Bjólf í kvikmynd Sturlu Gunnarssonar um Bjólfskviðu.
Myndin 300 hefur tekið um ár í framleiðslu en þeim tíma hefur greinilega verið vel varið og myndin hefur spurst vel út. Tekjur af sýningu myndarinnar frumsýningarhelgina námu 70 milljónum dala.
Í öðru sæti var gamanmyndin Wild Hogs með John Travolta, Tim Allen, Martin Lawrence og William H. Macy í aðalhlutverkum. Fantasían Bridge to Terabithia var í 3. sæti.
Draugamyndin Ghost Rider með Nicolas Cage í aðalhlutverki fór niður í 4. sæti og spennumyndin Zodiac með Jake Gyllenhaal og Robert Downey Jr. í aðalhlutverkum fór beint í 5. sæti en hún fjallar um fjöldamorðingja í San Francisco á áttunda áratug síðustu aldar.
Í næstu sætum voru Norbit, The Number 23, Music and Lyrics, Breach og Amazing Grace.
Segir málinu laumað í gegnum kerfið
„Hefur tekist að virkja fólkið í landinu með okkur“
Þórdís ætlar ekki að bjóða sig fram
Kennarar hafi ekki svarað foreldrum
„Svakalega öflug lægð“
„Breytir ekki okkar viðbúnaði“