Abramovich skilinn við eiginkonu sína til 16 ára
Setja bókamerki
Gengið hefur verið frá skilnaði Roman Abramovich, auðugasta manns Rússlands og eiginkonu hans Irinu Malandina í Rússlandi. Talsmaður Abramovich segir skilnaðinn hafa farið friðsamlega fram og að hann muni ekki hafa áhrif á fjárfestingar Abramovich. Þetta kemur fram áfréttavef Jyllands-Posten.
Abramovich er eigandi breska knattspyrnuliðsins Chelsea og héraðsstjóri í Tjukotka í Síberíu. Hann ver þó megninu af tíma sínum í London. Talið er að rekja megi skilnaðinn til sambands hans við hina 23 ára Darju Zhukova en í október á síðasta ári sagði talsmaður Abramovich ekkert hæft í sögusögnum um að skilnaður stæði fyrir dyrum.
Fyrir skilnaðinn var Abramovich 16. ríkasti maður heims samkvæmt lista Forbes tímaritsins en eignir hans eru metnar á 18,7 milljarða Bandaríkjadollara. Um helmingur eigna þeirra mun hins vegar falla í hlut Malandina en þau hafa verið gift frá árinu 1991 og eiga fimm börn.
Ása Ellerup flutt út og ætlar að selja húsið
Flestir sem hvergi finnast koma frá Sómalíu
„Höfum sloppið bærilega með skaða af þessu gosi“
Ökumaður í símanum valdur að umferðarslysi
Varnargarðar hækkaðir um 3 til 4 metra
Gasmengun gæti borist yfir höfuðborgarsvæðið
Vegirnir voru eins og borðstofuborð
Þarf að koma til móts við ólíkar þarfir lækna