Britney ástfangin í meðferðinni

Fregnir herma að Britney Spears sé orðin ástfangin af 33 ára gítarleikara sem hún hitti á AA-fundum.

Maðurinn heitir Jason Filyaw og er í hljómsveitinni Riva.

Heimildamaður tjáir National Enquirer að Filyaw hafi verið sem klettur í lífi Britneyjar á þessum erfiðu tímum.

Hún sé sannfærð um að hann geti hjálpað sér í meðferðinni því hann sé sjálfur áfengissjúklingur og hafi því skilning á því sem hún sé nú að ganga í gegnum.

Fullyrt er að Britney ætli að hefja sambúð með Filyaw þegar hún lýkur meðferðinni á Promises-stofnuninni í Malibu.

Þá segir sagan að hún hringi sífellt í hann og sendi honum tölvupóst, og að þau hafi þegar fundið gælunöfn á hvort annað. Hann kalli hana Sugar, Kitten og My Lady, og Britney kalli hann Mr. Secret Underground Guy og J-Sun.

• 2 blogg um fréttina

Bloggað um fréttina

• Snorri Bergz: Hvolpaást!
• Rúnar Haukur Ingimarsson: Sætt