Eurovision-lag Ísraela fær að taka þátt í keppninni

Forsvarsmenn Eurovision, söngvakeppni evrópskra sjónvarpsstöðva, hafa ákveðið að heimila að ísraelska lagið „Push the Button" taki þátt í keppninni í ár en spurningar höfðu vaknað um það hvort þátttaka lagsins yrði heimiluð þar sem texti þess þykir vísa í kjarnorkudeiluna við Íran og ummæli Ahmadinejad Íransforseta um að þurrka eigi Ísrael út af landakortinu. Þetta kemur fram á fréttavef Ha’aretz.

„Það hafa allir söngvarnir verið samþykktir. Söngvarnir samræmast allir reglum keppninnar, “ sagði Svante Stockselius sem hefur eftirlit með keppninni á blaðamannafundi í morgun. Hann neitaði hins vegar að tjá sig um einstaka lög.

Áður hafði verið greint frá því að margar kvartanir hefðu borist vegna ísraelska lagsins og Kjell Ekholm, skipuleggjandi keppninnar, hafði tekið undir það opinberlega að texti lagsins væri pólitískur og óviðeigandi.

• 2 blogg um fréttina

Bloggað um fréttina

• Eyþór Laxdal Arnalds: Push the button
• Jenný Anna Baldursdóttir: ALLIR Í EUROVISION