Heather Mills tekur upp hanskann fyrir aðþrengdar gyltur

Heather Mills ligg­ur ekki á liði sínu þó hún standi í ströngu skilnaðar­máli við Sir Paul McCart­ney og berst nú fyr­ir því að gylt­ur verði ekki hafðar í svo þröng­um búr­um eft­ir að þær eiga gris­linga sína að þær geti ekki lagst niður.

Gylt­ur í sum­um svína­bú­um á Bretlandi eru hafðar í slík­um búr­um í fimm vik­ur eft­ir got til að gris­ling­arn­ir geti sogið þær þegar þeim hent­ar án þess að eiga á hættu að gylt­an velti sér á þá og kremji.

Sam­tök gyltu­vina sem Mills berst nú með segja að með þess­ari aðferð deyi í raun fleiri gris­ling­ar en þegar gylta og gris­ling­ar fái nóg pláss til að at­hafna sig.

Mills mun leiða mót­mæla­göngu í London seinna í dag, gengið verður til Down­ing-stræt­is núm­er 10 þar sem und­ir­skrift­arlisti verður af­hent­ur og síðan verður farið að versl­un Marks og Spencer þar sem þess­ari grimmi­legu aðferð við svína­rækt er mót­mælt.

Í viðtali við Sky frétta­stof­una sagði Mills að hún reyndi að ein­beita sér að því sem er mik­il­vægt í þessu lífi.

Mills fór með kvik­mynda­tök­ulið á laun í svína­bú í Gla­st­on­bury í Somer­set og myndaði gylt­ur í þröng­um búr­um.

Hún hef­ur verið gagn­rýnd fyr­ir að gefa sig út fyr­ir að vera dýra­vin en ganga eigi að síður í dýr­um pels­um. Hún hef­ur svarað því til að mynd­ir sem hafa birst af henni skrýddri pels­um hafi verið tekn­ar áður en hún frædd­ist um það dýrapla­gerí sem viðgengst.

Heather Mills og dans­fé­lagi henn­ar Jon­ath­an Roberts í nýj­um sjón­varpsþátt­um. AP

• 1 blogg um frétt­ina

Bloggað um frétt­ina

• Snorri Bergz: Aðþrengda gylt­an