Hinrik prins vill verða kóngur

Hinrik Danaprins segir í viðtali við franskt tímarit, að sér finnist að fyrst hann er giftur drottningum eigi að kalla hann kóng. „Ef kona giftist kóngi er hún kölluð drottning en eiginmaður ríkjandi drottningar verður ekki kóngur við giftingu," segir prinsinn í viðtalinu, sem vitnað er til í Ekstra Bladet í dag.

Hinrik hefur áður komið þeirri skoðun sinni á framfæri, að hann sé ekki ánægður með að vera í þriðja sæti í virðingarstiganum í dönsku konungsfjölskyldunni á eftir Margréti drottningu, eiginkonu sinni, og Friðriki krónprins, syni þeirra.

Í viðtalinu við Point de Vue segir Hinrik, að á miðöldum hafi menn í Frakklandi ekki bara fengið drottninguna þegar þeir giftust henni heldur einnig konungstitil. Svoleiðis sé það ekki í Danmörku nútímans og það sé ekki jafnrétti.

• 2 blogg um fréttina

Bloggað um fréttina

• María Anna P Kristjánsdóttir: Einu sinni var kóngur og drottning.
• Hugrún Jónsdóttir: Ég vill vera kóngur!!