Mills: „Ég mun alltaf elska Paul"

Heather Mills sagðist enn elska Paul McCartney. „Ég kemst aldrei yfir það. Ég mun alltaf elska Paul. Hann er faðir barnsins míns en ég verð bara að takast á þetta, það er ekkert annað sem ég get gert,” sagði hún í viðtali við BBC.

„Ég hef aldrei talað illa um eiginmann minn. Ég mun aldrei gera það – hann er barnsfaðir minn,” sagði hún. Hún hefur áður sagt að það væri eins og að kreista blóð úr steini að ná fjárhagslegu samkomulagi um skilnaðinn við Sir Paul.

Breskir fjölmiðlar birtu í síðasta mánuði fregnir þess efnis að fyrrum bítillinn væri reiðubúinn að bjóða 25 milljónir punda til að binda enda á þetta erfiða skilnaðarmál.

Heather hefur haldið því fram að öflugir menn standi að baki árásanna í hennar garð í breskum fjölmiðlum en hún hefur jafnframt heitið því að hún muni ekki láta bugast og að hún muni standa þennan storm af sér.

• 1 blogg um fréttina

Bloggað um fréttina

• Kristín M. Jóhannsdóttir: Hvað með mig?