Jordan valin mamma ársins

Breska fyrirsætan Katie Price, öðru nafni Jordan, hefur verið valin mamma ársins af bresku verslunarnetsíðunni Grattan. Jordan, sem á tvö börn, hefur jafnan verið ofarlega í hugum þeirra, sem standa að slíkum tilnefningum. Meðal þeirra, sem lentu í efstu sætunum voru Victoria Beckham, Kate Moss og Heather Mills.

Katie Price á tvo syni, annan með knattspyrnumanninum Dwight Yorke og hinn með sambýlismanninum, popparanum Peter Andre. Orðrómur er um að þriðja barnið sé á leiðinni.

Í greinargerð fyrir útnefningunni segir, að Jordan sé dæmi um hvernig fólk geti verið stöðugt í sviðsljósinu en jafnframt verið umhyggjusamir foreldrar.

• 1 blogg um fréttina

Bloggað um fréttina

• Svala Sigurðardóttir: djöfull væri ég ekki til í að vera á þessum …