R2-D2 úr Stjörnustríði tekur við póstinum

Póstkassar vítt og breitt í Bandaríkjunum hafa verið skreyttir þannig að þeir líti út eins og vélmennið R2-D2 úr Stjörnustríðsmyndunum. Ástæðan fyrir þessu er sú að verið er að fagna að 30 ár eru liðin frá því fyrsta myndin um ævintýri Loga Geimgengils og félaga var frumsýnd.

Um 400 póstkassar munu verða breyttir af þessu tilefni, þ.á.m. einn kassi sem er stendur fyrir utan Graumans kvikmyndahúsið í Hollywood en það var eitt af þeim fyrstu sem hófu sýningar á myndinni árið 1977.

Útlitsbreytingin er sögð vera hluti af herferð póstþjónustunnar sem ætlar að tilkynna um útgáfu á sérstöku frímerki þann 28. mars nk., en það er sagt eiga eftir að koma á óvart.

Almenningur hefur verið hvattur til þess að láta póstkassana í friði.

• 2 blogg um fréttina

Bloggað um fréttina

• Hallbjörn Sigurður Guðjónsson: Þessu verður alveg ábyggilega rænt...
• Róbert Björnsson: Afmælishátíð!