Britney vill fá Justin Timberlake í heimsókn

Britney Spears hefur grátbeðið Justin Timberlake að koma í heimsókn til sín á Promises-stofnunina í Malibu, þar sem hún er í meðferð við alkóhólisma og þunglyndi.

Farsímar eru bannaðir á stofnuninni, en fregnir herma að Britney hafi smyglað einum inn og laumast til að hringja í gamla kærastann.

Heimildamaður tjáir tímaritinu Star: „Hún faldi sig inni í skáp og var að tala við einhvern Justin, líklega Justin Timberlake. Hún var að tala um hvort hann gæti komið og verið með sér á AA-fundi í Santa Monica. Hún sagði: Gerðu það Justin, gerðu það komdu! Hún grátbað hann.“

Fregnir herma að Justin hafi boðist til að heimsækja hana í meðferðina í síðasta mánuði, en móðir Bitneyjar, Lynne, bað hann að fara ekki því að það yrði of mikil truflun fyrir Britney.

• 3 blogg um fréttina

Bloggað um fréttina

• Gúrúinn: This just in... (eða this Justin?)
• Sigurgeir Orri Sigurgeirsson: Britney í meðferð en hvað með Bubba (the Hut)?
• Brosveitan - Pétur Reynisson: Einstök mynd af Britney í meðferðinni...