Lafði Black neitar að biðjast afsökunar á ummælum sínum

Eiginkona fjölmiðlakonungsins fyrrverandi Conrad Black, Barbara Amiel eða lafði Black, neitaði í dag að biðjast afsökunar á því að hafa kallað kanadíska fréttakonu dræsu og fyrir að hafa sagt tvo aðra fréttamenn vera óþokka.

Lafði Black vildi sem minnst gera úr ummælum sínum er fjölmiðlar ræddu við hana á leið inn í réttarsalinn í dag þar sem réttað er yfir Black sem er ásakaður um fjárglæfrastarfsemi.

„Þetta var einkasamtal milli mín og stjúpdóttur minnar," sagði hún við fréttamenn í dag. Hún neitaði jafnframt að staðfesta að hún hefði viðhaft þessi ummæli en í kanadíska sjónvarpinu í gær heyrðist hún kalla fréttakonuna dræsu.

• 1 blogg um fréttina

Bloggað um fréttina

• Kristín M. Jóhannsdóttir: Að vera að vera ekki dræsa