Körfubolti og skerandi ljós

Tilvist mannsins og þeir kraftar sem knýja hann áfram, er innblásturinn að innsetningu Geirþrúðar Finnbogadóttur Hjörvar, sem sýnd er í D-sal Listasafns Reykjavíkur. Geirþrúður er önnur í röð myndlistarmanna sem kynntir verða í sérstakri sýningarröð safnsins, D-salnum, sem helguð er efnilegum myndlistarmönnum.

D-salurinn er framtíðarverkefni safnsins og vinna listamenn sem þar sýna ný verk fyrir salinn. Í lok hvers árs verður sýningum D-salarins svo fylgt úr hlaði með útgáfu sýningarskrár.

Í verki Geirþrúðar, Hinn firrti áhorfandi, driplar starfsmaður safnsins körfubolta taktfast undir óviðfelldnu, skerandi ljósi sem blikkar stöðugt, eins og segir í lýsingu frá safninu. Verkið fjalli um körfubolta og „fráhvarf hans frá veruleikanum eins og við þekkjum hann við undirleik ljóðrænnar og tilvistarfræðilegrar firringar Air og Spacemen 3.“

• 1 blogg um fréttina

Bloggað um fréttina

• Björgvin Gunnarsson: Nýja listaverk keisarans