Cliff Richard kominn til tónleikahalds

Breski poppsöngvarinn Sir Cliff Richard kom hingað til lands í dag frá Frankfurt en hann mun halda tónleika í Laugardalshöll á miðvikudag. Tónleikar Richards hér á landi eru þeir síðustu í langri tónleikaferð söngvarans, sem á undanförnum mánuðum hefur komið fram á tónleikum víðs vegar í Asíu, Afríku og Evrópu.

Þar sem þetta eru síðustu tónleikar Sir Cliffs í bili koma á bilinu 20 til 30 starfsmenn af umboðsskrifstofu hans til að vera viðstaddir tónleikana. Söngvarinn verður hér á landi í fjóra daga, og stefnir að því að ferðast eitthvað um landið.

• 1 blogg um fréttina

Bloggað um fréttina

• Snorri Bergz: Cliff í Kastljósinu