Ný skáldsaga eftir J.R.R. Tolkien væntanleg

Ný skáldsaga eftir J.R.R. Tolkien er væntanleg í næsta mánuði. Bókin heitir The Children of Húrin á frummálinu en það er, Christopher sonur höfundarins sem hefur unnið að því að ganga frá ókláruðu handriti Tolkiens sem lést 1973.

Bókin mun koma út 17. apríl næstkomandi en þá verða 89 ár liðin síðan að höfundur hennar byrjaði á henni.

Í breska dagblaðinu The Independent segir að útgefandinn HarperCollins gefi ekkert uppi um söguþráðinn en að bókin muni að öllum líkindum verða vel til þess fallin að kvikmynda hana.

Lesa má um söguþráðinn á Wikipedia vefsíðunni en ekki er tryggt að það sé rétt lýsing á söguþræði bókarinnar.

Að sögn Chris Crawshaw sem er formaður Tolkien félagsins í Bretlandi þá leit Tolkien á verk sín sem eina langa sögu um Miðgarð (Middle Earth), frá sköpun hans að endalokum þriðja tímaskeiðinu en þessi saga mun gerast snemma í heildarsögunni.

Christopher Tolkien studdist við gríðarlegt safn minnispunkta föður síns. Þetta er annað ókláraða verkið sem hann lýkur við eftir fráfall föður síns en 1977 kom út bókin Silmarillion.

• 2 blogg um fréttina

Bloggað um fréttina

• Óskar Björnsson: Viðbætur við fleiri bækur!
• Hallgrímur Egilsson: Hver er J.J.R. Tolkien?