Pitt og Jolie í hjónasæng um páskana

Svo virðist sem Brad Pitt og Angelina Jolie hafi loks ákveðið að ganga í hnapphelduna, ef marka má ummæli heimildarmanns breska tímaritsins OK. Samkvæmt honum eru skötuhjúin í óðaönn að skipuleggja brúðkaup um páskana í Dóminíkanska lýðveldinu.

Parið mun hafa fjárfest í húsi og landareign þar og hefur hug á að halda fámenna fjölskylduathöfn fjarri ágangi fjölmiðla. Ef af verður, þykir líklegt að nýjasti meðlimur fjölskyldunnar, Pax Thien, verði hringaberi ásamt Maddox, eldri syni þeirra hjúa.

Pitt og Jolie hafa hingað til verið treg til að ganga upp að altarinu enda eiga þau bæði endaslepp hjónabönd að baki, Angelina með Johnny Lee Miller og Billy Bob Thornton og Brad með Jennifer Aniston.

• 1 blogg um fréttina

Bloggað um fréttina

• Snorri Bergz: Mr. and Mrs. Pitt