Slímug stemning á Nickelodeon-hátíðinni

Fræga fólkið lét sig ekki vanta á Nickelodeon Kids Choice Awards en það tók virkan þátt í slímkasti og ropi þegar hátíðin var haldin í 20 sinn í gær. Popparinn Justin Timberlake var kynnir á hátíðinni sem fram fór í Los Angeles.

Kvöldið hófst á því að Timberlake fékk væna skammt af slímklessu á sig allan. Ekki leið á löngu þar til Hollywoodstjörnurnar Adam Sandler, Ben Stiller og Vince Vaughn voru orðnir slímugir frá toppi til táar.

Stiller fékk svokölluð „Wannabe“ verðlaun, sem þýðir að hann sé sú stjarna sem flest börn vilja vera. Sandler þótti skara fram úr sem besti karlleikarinn og hin 13 ára gamla Dakota Fanning þótti besta leikkonan.

Timberlake þótti besti söngvarinn en hann tapaði hinsvegar fyrir áhorfendum í ropkeppni.

Nickelodeon er bandarísk kapalstöð sem sýnir sjónvarpsefni sem er ætlað börnum.

• 1 blogg um fréttina

Bloggað um fréttina

• Þorsteinn Gunnarsson: Vantaði bara Prumpulagið og súludans