Daniel Craig þykir bera af í klæðnaði

Bondleikarinn Daniel Craig þykir þykir bera af öðrum frægum körlum í klæðnaði að því er GQ tímaritið segir, en tímaritið hefur birt lista yfir best og verst klæddu stjörnurnar. Sjónvarpskynnirinn Russell Brand þykir aftur á móti vera sá verst klæddi.

David Cameron, leiðtogi breska íhaldsflokksins, varð í öðru sæti yfir best klæddu mennina og leikarinn Clive Owen er í þriðja sæti.

Harry Bretaprins er sá fyrsti úr konungsfjölskyldunni sem kemst á listann, en hann endaði í 10 sæti.

GQ segir að Craig hafi verið flottur í jakkafötunum í kvikmyndinni Casino Royale sökum þess að fötin hafi virkað líkt og „uppfærsla“ á þeim fatnaði sem hann myndi venjulega ganga í.

„Enginn Bond síðan Sean Connery hefur litið betur út í þeim,“ segir GQ.

Listinn yfir 10 best klæddu einstaklingana er eftirfarandi:

1. Daniel Craig
2. David Cameron
3. Clive Owen
4. David Walliams
5. Jude Law
6. David Beckham
7. Pete Doherty
8. Russell Brand
9. Tom Ford
10. Harry Bretaprins

• 2 blogg um fréttina

Bloggað um fréttina

• Þorsteinn Gunnarsson: Krúttlegt að róninn fékk að fljóta með líka
• Sigfús Sigurþórsson.: Kvennbósinn Daniel Craig.