Dragdrottning veldur Evróvisíóndeilu í Úkraínu

Úkraínskir þjóðernissinnar eru bálreiðir yfir því að umdeild dragdrottning hafi verið valin fulltrúi þjóðarinnar í Söngvakeppni evrópskra sjónvarpsstöðva, og þá hafa þeir haldið fjölmenn mótmæli vegna þessa.

Mótmælin eru hluti af herferð sem miðar að því að Úkraína dragi sig út úr keppninni, segir á vef BBC.

Verka Serdyuchka, sem gerir grín að miðaldra konum, er elskuð og dáð víða í landinu og er orðin einskonar „költ“ persóna í úkraínsku samfélagi.

Hún var kosin sem fulltrúi Úkraínu með yfirgnæfandi meirihluta atkvæða í almennri kosningu. Sumir eru hinsvegar á því að hún sé ekkert annað en ruddi og dóni.

Margir andstæðingar hennar eru því yfir sig hneykslaðir yfir því að hún skuli koma fram fyrir hönd landsins.

• 3 blogg um fréttina

Bloggað um fréttina

• Júlíus Garðar Júlíusson: Verka Nótt
• Gúrúinn: Dame Edna á úkraínsku
• Þorsteinn Gunnarsson: En í fyrra slefaði þjóðin yfir okkar dóna