Árlegir tónleikar Harðar Torfa í gærkvöldi

Vísnaskáldið Hörður Torfason hélt sína árlegu Kertaljósatónleika í stóra sal Borgarleikhússins í gærkvöldi, en sú hefð hans er orðin nær þriggja áratuga. Efnisskrá kvöldsins samanstóð af nýjum og gömlum lögum listamannsins og var mikið um að tónleikagestir bæðu um óskalög.

Hörður sagði eftir tónleikana að stemningin hefði verið góð og heimilisleg eins og jafnan væri um Kertaljósatónleikana. „Það var rífandi stemning og skemmtilegheit," sagði tónskáldið sem leggur þessa dagana drög að ævisögu sinni í samvinnu við rithöfundinn Ævar Örn Jósepsson.