Tók föður sinn í nefið
Setja bókamerki
Gítarleikarinn Keith Richards verður seint talinn góð fyrirmynd, enda ber hann með sér að hafa lifað tímana tvenna. Í viðtali við hann sem birt var í dag í tónlistartímaritinu NME segir gítarleikarinn að undarlegasta efnið sem komið hafi í nasir hans hafi verið askan af föður sínum.
„Það undarlegasta sem ég hef tekið í nefið? Faðir minn, ég tók föður minn í nefið”, hefur tónlistartímaritið eftir gítarleikaranum. „Hann var brenndur og ég stóðst ekki mátið að blanda honum saman við kókaín. Honum hefði verið sama, þetta var býsna gott og ég er enn á lífi”.
Bert Richards, faðir Keith, lést árið 2002, 84 ára að aldri.
Richards, sem er 63 ára er alræmdur fyrir ólifnað og segir í viðtalinu að hann sé heppinn að vera á lífi og ráðleggur ungum tónlistarmönnum að feta ekki í fótspor sín. „Ég gerði þetta af því að svona er ég, nú heldur fólk að þetta sé lífsstíll”, segir Richards. „Ég geri mér engar grillur um eilíft líf, ég er eins og allir aðrir... bara dálítið heppinn”.
Var að slitna frá bryggju sökum hvassviðris
Ofmeta sparnað í stjórnarráðinu
Í vinnunni á aðfangadagskvöldi í 25 ár
Búið að opna Hellisheiði
38 létust í flugslysi
Hellisheiði og Þrengsli ekki opnuð í dag
KEF Spa: „Eitthvað sem þú hefur ekki séð áður“
Éljagangur en síðan slydda eða rigning