Krefjast banns á svissneska Evróvisjónlagið

Kristileg samtök í Sviss hafa krafist þess að lagið sem vera á framlag landsins í Evróvisjón verði bannað, því það sé satanískt. Hafa samtökin safnað 49.000 undirskriftum og afhent yfirvöldum kröfu sinni til stuðnings.

Lagið heitir „Vampírurnar lifa“ og flytjandinn er DJ Bobo, réttu nafni René Baumann.

Kristilegu samtökin segja að í laginu sé helvíti haft í flimtingum, og meðal annars sagt: „Frelsaðu anda þinn eftir miðnætti, seldu sál þína ... Góða ferð frá himni til heljar.“

DJ Bobo segir þetta fáránlega kröfu. Öllum sé frjálst að segja það sem þeim sýnist.

• 2 blogg um fréttina

Bloggað um fréttina

• Guðsteinn Haukur Barkarson: Hefur einhver heyrt þetta lag?
• Yngvi Högnason: Heimilislegt.