Britney á föstu með rúmlega tveggja metra körfuboltamanni

Fregnir herma að Britney Spears sé komin á fast með Luke nokkrum Walton, sem spilar körfubolta með LA Lakers, og er 2,07 á hæð. Hefur hún mætt á leiki og hvatt hann dyggilega, eins og til dæmis þegar Lakers spiluðu við Phoenix Suns á sunnudaginn.

Haft er eftir heimildamanni að Luke sé „einmitt það sem Britney þarf“ núna, áreiðanlegur maður sem gengur vel í lífinu, eftir algjörlega misheppnað hjónaband hennar og Kevins Federlines. „Hún virðist loksins hafa náð áttum.“

Britney hefur mætt á nokkra leiki eftir að hún lauk áfengismeðferðinni, en hefur reynt að láta ekki mikið bera á sambandinu við Luke.

Í síðasta mánuði gengu hún og Kevin endanlega frá skilnaðinum, og munu hafa sameiginlegt forræði með sonum sínum tveim, þeim Sean Preston, sem er 18 mánaða, og Jayden James, sem er hálfs árs.

• 5 blogg um fréttina

Bloggað um fréttina

• Stefán Friðrik Stefánsson: Litlaust stjörnuhjal
• Snorri Bergz: Fleiri fréttir af Britney
• Marvin Lee Dupree: NBA og kvennakörfubolti
• Þorsteinn Gunnarsson: Hann ætti þá allavega að ná uppí hana...
• Brosveitan - Pétur Reynisson: Þetta er bein afleiðing af meðferðartækninni sem var beitt á …