200 milljóna króna veisla?

Dagblaðið The Jamaica Observer greinir frá því að skipuleggjandi afmælisveislu Björgólfs Thors Björgólfssonar hafi fengið um 3 milljónir dollara til þess að gera veisluna sem glæsilegasta, en það nemur rúmum 200 milljónum króna. Frá þessu segir Óli Björn Kárason á bloggsíðu sinni.

Eins og fram hefur komið í Morgunblaðinu hélt Björgólfur Thor upp á fertugsafmæli sitt á Jamaíka og á meðal skemmtikrafta voru 50 Cent, Jay Kay og Ziggy Marley.