Hugsanlegur forsetaframbjóðandi með krabbamein

Sjónvarpsstjarnan og fyrrum þingmaður í Bandaríkjunum, Fred Thompson, sem er að velta fyrir sér framboði í næstu forsetakosningunum hið vestra tilkynnti í dag að hann væri með „góðkynjaða” krabbameinstegund í eitlum sem hægt er að sigrast á.

Thompson er stjarnan í þáttaröðinni Law and Order og fyrrum þingmaður Repúblíkana í Tennessee og sagði í sjónvarpsviðtali að hann væri á batavegi.

Thompson sem er 64 ára sagði að hann hefði greinst með krabbameinið fyrir um tveimur og hálfu ári en það er mánuður síðan hann tilkynnti að hann væri að íhuga framboð í forsetakosningunum 2008.

Áður en hann gerðist leikari var hann lögfræðingur og tók meðal annars að sér mál Repúblíkana í Watergate hneykslinu á sínum tíma.

• 2 blogg um fréttina

Bloggað um fréttina

• Þorsteinn Siglaugsson: Friðsamleg leið
• Þorsteinn Gunnarsson: Ekkert helvítis framboð...