Höfrungar í herþjónustu

Höfrungar og sæljón eru besta vopnið sem bandaríski sjóherinn hefur gegn hryðjuverkum neðansjávar. Í bækistöð sjóhersins í San Diego gegna um 75 höfrungar og 25 sæljón herþjónustu. Þau eru þjálfuð til að finna sprengjur og tundurdufl og geta numið froskmenn í myrkum vötnum í grennd við kafbáta og herstöðvar.

Dýrin eru þjálfuð til að setja blikkandi ljós í grennd við dufl og sprengjur og geta sett fjötra utan um fætur kafara sem sjóliðar geta síðan halað upp á yfirborðið með línu sem liggur í fjötrana.

Point Loma bækistöðin opnaði dyr sínar fyrir fréttamönnum í fyrsta sinn síðan Bandaríkjamenn réðust inn í Írak. Ástæðan var sú að 30 höfrungar verða sendir innan skamms til að verja of Kitsap-Bangor flotastöðina í Washington-ríki.

• 1 blogg um fréttina

Bloggað um fréttina

• Guðsteinn Haukur Barkarson: Dýr notuð í herþjónustu