Volta staðfestir stöðu Bjarkar sem eins áhugaverðasta tónlistamannsins

Skoska blaðið Scotsman segir að Volta, ný plata Bjarkar Guðmundsdóttur, staðfesti að Björk sé einn áhugaverðasti og áræðnasti kventónlistarmaðurinn frá því Kate Bush var upp á sitt besta. Björk eigi sér engan jafningja í popptónlist um þessar mundir og hugsanlega sé breski tónlistamaðurinn Damon Albarn sá eini, sem hafi lagt sig jafn mikið fram við að tryggja, að hann endurtaki sig ekki.

Blaðið segir, að Volta sé, jafnvel á mælikvarða Bjarkar, hugsanlega róttækasta sköpunarverk hennar til þessa. Platan sé full af þverstæðum líkt og allt sem Björk geri. Þetta sé poppplata með freyðandi danstöktum Timbalands og söngrödd Antony Hegarty en hún sé einnig djörf tilraunastarfsemi, sem minni meira á Stockhausen en Antony and the Johnsons. Besta dæmið um það sé frábær hljóðasinfónía skipslúðra í upphafi lagsins Wanterlust.

Volta kemur út 7. maí.

Umfjöllun Scotsman

• 3 blogg um fréttina

Bloggað um fréttina

• Kristján Kristjánsson: Björk er einstök
• Baldur Sigurðarson: Duglegasta Kona Íslands.
• Birgitta Jónsdóttir: Samkvæm sjálfri sér