Edward Norton leikur Hulk

Bandaríski kvikmyndaleikarinn Edward Norton hefur tekið að sér hlutverk græna risans Hulk í nýrri kvikmynd, sem gera á um ævintýri þessarar kunnu teiknimyndahetju. Norton mun leika vísindamanninn Bruce Banner, sem breytist í grænan risa með ofurkrafta þegar honum er ögrað.

Kvikmynd með Eric Bana í aðalhlutverki var gerð um þessar persónur árið 2003 og fékk þokkalegar viðtökur þótt hún næði ekki þeirri aðsókn, sem aðrar kvikmyndir um Marvel teiknimyndapersónurnar hafa fengið.

Fréttir herma, að nýja myndin verði ekki eins alvarleg og mynd leikstjórans Ang Lee og muni fjalla um tilraunir Banners til að losna við umbreytingarnar.

• 2 blogg um fréttina

Bloggað um fréttina

• Hrannar Baldursson: Traustir leikarar í ofurhetjumyndum
• Ómar Ingi: Ed Norton