Ísbjörninn Knútur veikur

Dýragarðurinn í Berlín sagði í dag, að ísbjarnarhúnninn Knútur hefði veikst og hefði fengið lyfjameðferð. Heiner Kloes, gæslumaður bjarnarins, sagði að veikindin væru ekki alvarleg og hann hefði fengið sér blund eftir að hafa fengið sýklalyf.

Knútur hefur fangað hug og hjarta Þjóðverja og er nú ein helsta fjölmiðlastjarnan í heimalandi sínu og víðar. Þannig birtust nýlega mynd á forsíðu tímaritsins Vanity Fair þar sem Knútur hafði verið færður með stafrænum aðferðum á ísjaka á Jökulsárlóni þar sem hann spókaði sig ásamt bandaríska kvikmyndaleikaranum Leonardo DiCaprio. Ljósmyndarinn kunni Annie Leibovitz tók myndirnar.

• 2 blogg um fréttina

Bloggað um fréttina

• Þorsteinn Gunnarsson: Hann þarf bara aða æla...
• Sveinn Guðgeir Ásgeirsson: Þetta er náttúrulega hrikalega slæmt...