Tobey Maguire gagnrýnir athyglisjúkar stjörnur

Tobey Maguire, sem leikur Kóngulóarmanninn, segist ekki hafa neina samúð með kvikmyndastjörnum sem sækist eftir því að komast í sviðsljósið en kvarti svo undan ágangi papparassa. „Mér virðist að sumir kalli þetta yfir sig sjálfir - þetta heldur þeim gangandi,“ segir Tobey í viðtali við tímaritið Cosmopolitan.

Hann segist hafa forðast eftir mætti að lenda í sviðsljósinu, en viðurkennir að spennan vegna frumsýningar fyrstu Spiderman myndarinnar hafi komið sér algjörlega í opna skjöldu. Síðan hafi sér tekist að fá að vera að mestu leyti í friði.

Tobey á tvær dætur með unnustu sinni, Jennifer Meyer, og segir að föðurhlutverkið sé það skemmtilegasta sem hann hafi upplifað. Aftur á móti er hann svo eftirsóttur í Hollywood að hjónaleysunum hefur ekki gefist tími til að ákveða giftingardaginn.

• 2 blogg um fréttina

Bloggað um fréttina

• Sóldís Fjóla Karlsdóttir: Sumir þrífast á athygli.....
• Þorsteinn Gunnarsson: Ef ég væri frægur