Rússneskur auðjöfur greiðir JLo 130 milljónir króna fyrir tónleika

Rússneski auðkýfingurinn Andrei Melnitsénkó hefur fallist á að greiða Jennifer Lopez sem svarar 130 milljónum króna fyrir 40 mínútna tónleika í þrítugsafmæli konu sinnar, Aleksöndru, annað kvöld.

Veislan verður haldin í Bretlandi, og greiðir Melnitsénkó sem svarar tæpum sjötíu milljónum fyrir sjálfa tónleikana, en einnig greiðir hann kostnaðinn við að flytja Lopez og fylgdarlið hennar frá Bandaríkjunum.

Heimildamaður úr fylgdarliði söngkonunnar segir: „Andrei og Aleksandra eru miklir aðdáendur J.Lo og voru í sjöunda himni þegar hún féllst á að syngja fyrir þau. Þetta verður óvenjulegt fyrir J.Lo og fullt af milljarðamæringum meðal áheyrenda.“

Þetta er ekki í fyrsta sinn sem hjónin Andrei og Aleksandra kaupa dýra skemmtikrafta. Þegar þau giftu sig fyrir tveim árum munu þau hafa greitt Christinu Aguilera sem svarar 260 milljónum króna fyrir að syngja í brúðkaupinu, sem fram fór í Suður-Frakklandi.

• 2 blogg um fréttina

Bloggað um fréttina

• Kristján Kristjánsson: Hljómar kunnulega
• Guðbjörg drithöfundur Helga,Sigurdórs og Helgu...: Eins gott..