Hugh Grant óskaði börnum ljósmyndara dauða úr krabbameini

Hugh Grant henti bökuðum baunum í ljósmyndara í gær og bölvaði börnunum hans og sagðist óska þess að þau myndu deyja úr krabbameini, að því er ljósmyndarinn fullyrðir. Hefur hann kært Grant til lögreglunnar, sem mun kalla leikarann til yfirheyrslu vegna málsins.

Grant var á göngu skammt frá heimili sínu í Vestur-London í gærmorgun um tíuleytið þegar ljósmyndarinn, Ian Whittaker, bað hann að brosa. „Þetta hlýtur að hafa verið slæmur dagur hjá honum því að hann hljóp á eftir mér niður götuna. Hann sparkaði í fæturna á mér,“ sagði Whittaker.

Síðan hefði Grant hent bakka með bökuðum baunum í hann og byrjað að svívirða börnin hans. „Þegar ég sagði honum að ég ætti tvö börn hreytti hann út úr sér: Ég vona að þau deyi úr krabbameini!“

Whittaker segir að þetta hafi sér þótt of langt gengið og þess vegna hafi hann farið til lögreglunnar og lagt fram kæru á hendur Grant fyrir líkamsárás. Lögreglan í London staðfest í gærkvöldi að tilkynnt hefði verið um málið og Grant yrði yfirheyrður vegna þess.

• 7 blogg um fréttina

Bloggað um fréttina

• Fanney Dóra Sigurjónsdóttir: Maðurinn minn?
• Steinn E. Sigurðarson: Æj hann er samt óttaleg mús
• Einar Jakob Jónsson: Frægðin.
• maggie: Vondi strákurinn
• Brynhildur Jónsdóttir: Vonandi nær blaðamaðurinn sér...?
• Sigurjón Sveinsson: Ætli ljósmyndarinn sé núna í hálskraga, með gifs og hækjur?
• Steingrímur Rúnar Guðmundsson: Henti bökuðum baunum í ljósmyndara!