Mel B. nefndi dóttur sína eftir Eddie Murphy

Nýfædd dóttir bresku söngkonunnar Mel B var skírð í Los Angeles um helgina og fékk nöfnin Angel Iris Murphy Brown. Stúlkan er m.a. nefnd eftir leikaranum Eddie Murphy en Mel B segir hann vera föður barnsins. Murphy hefur dregið það í efa og krafist DNA-rannsóknar til að úrskurða um faðernið.

Mel B, sem heitir réttu nafni Melanie Brown, sendi frá sér yfirlýsingu í gær þar sem hún útskýrir nöfn dóttur sinnar. Stúlkan sé m.a. nefnd Iris eftir ömmu sinni, Murphy eftir föður sínum og Brown eftir henni sjálfri.

Í viðtali við tímaritið OK! segir Mel að litla stúlkan líkist báðum foreldrunum. Hún segist aldrei geta borið þungan hug til Eddie Murphy því þau hafi verið hamingjusöm saman.

Þau Mel B og Murphy bjuggu saman um tíma á síðasta ári.

• 1 blogg um fréttina

Bloggað um fréttina

• Snorri Bergz: Murphy Brown